அசோகா

நான் கொடுக்கும் முதல் குறிப்பு . எல்லோருக்கும் பிடித்து இருந்தால் என் சமையலை உங்களுடன் பகிர்ந்து கொள்கிறேன்.

நான் அடிக்கடி செய்யும் ஸ்வீட் அசோகா தஞ்சாவூர் பக்கம் மிகவும் பிரபலமான ஸ்வீட் , இங்கு நடக்கும் எல்லோர் வீட்டு திருமணத்திலும் கட்டாயம் இடம் பெரும் ஒரு ஸ்வீட்

தேவையான பொருள்கள் :

பாசிபருப்பு : 1/4 கிலோ
கோதுமை மாவு : 100 கிராம்
சீனி : 1/2 கி
நெய் : 200 மிலி
சமையல் எண்ணெய் : 100 மிலி
முந்திரி பருப்பு : 10
அசோகா கலர் பவுடர் : சிறிது

பொருட்களின் அளவுகள் தோராயமாக தான் போட்டு இருக்கேன் , எங்க அண்ணன் திருமணத்திற்கு சமையல் செய்தவர் சொன்ன அளவுகள் ஒரு பங்கு பாசிபருப்புக்கு,3 பங்கு சர்க்கரை, 3 பங்கு நெய் ஆனால் அது ரொம்ப திகட்டும் 2 to 2 1/2 போட்டா சரியா இருக்கும்

செய்முறை :

பாசிபருப்பை நல்ல சிவக்க வறுத்து , குழைய வேக வைத்து கொள்ளவும் . அடிகனமான பாத்திரத்தை அடுப்பில் வைத்து காய்ந்தவுடன் எண்ணெய் ஊற்றி கோதுமை மாவை வறுத்து கொள்ளவும் பச்சை வாசனை போனவுடன் , வேக வைத்த பாசிபருப்பை போட்டு கிளரவும் சிறிது நேரத்திற்கு பிறகு சீனியை போட்டு கிளரவும்.கலர் பவுடரையும் சேர்த்து கொள்ளவும் சீனி கரைந்தவுடன் ,சிறிது சிறிதாக நெய்யை ஊற்றி கிளறவும் சிறிது நேரத்திற்கு பிறகு பார்த்தால் நாம் ஊற்றிய நெய் கொப்பளிக்கும் விடாமல் கிளறவும் பதம் வந்தவுடன் வறுத்து வைத்த முந்திரியை போட்டு அலங்கரிக்கவும் , செய்வது மிகவும் எளிது . செய்து சுவத்து பாருங்கள்.



Thanks to google image.

நெட்ல இருந்து எடுத்த புகைப்படம். அடுத்த முறை அசோகா செய்யும் போது புகைபடம் எடுத்து போடுகிறேன்